ხელისუფლება სცოდავს, როცა პარტიას, სახელმწიფო ინსტიტუციების ნაცვლად, ეძლევა უპირატესობა გადაწყვეტილების მიღებაში თუ გასაჯაროებაში. როცა სახელმწიფო უწყებებს შორის მთავარი გადაწყვეტილებები არ იხილება ერთობლივად და ინფორმაცია არ ზიარდება. ვინმე დაიჯერებს, რომ ასეთ მძიმე და საყურადღებო ვითარებაში არც ერთხელ არ შეკრებილა უსაფრთხოების საბჭო, არც ერთხელ არ ყოფილა ერთობლივად განხილული სამხედრო საქმეები უმაღლესი მთავარსარდლის თანდასწრებით? სასწრაფოდ გამოსასწორებელია ეს მანკიერი ფორმები.