Meta-ს აღმასრულებელმა დირექტორმა მარკ ცუკერბერგმა თეთრ სახლში შეხვედრები გამართა. 

სოციალურ მედიაპლატფორმა X-ზე, Meta-ს სპიკერმა ენდი სტოუნმა განაცხადა, რომ ცუკერბერგმა თეთრი სახლის წარმომადგენლებთან გამართულ შეხვედრაზე განიხილა გზები, თუ როგორ შეუძლია Meta-ს აშშ-ის ადმინისტრაციის დახმარება საზღვარგარეთ მოქმედი ამერიკული ტექნოლოგიების გაუმჯობესებაში.

როგორც ცნობილია, გასულ თვეში, მარკ ცუკერბერგი დონალდ ტრამპის ინაუგურაციას დაესწრო, ხოლო Meta-მ გასულ კვირას განაცხადა, რომ კომპანია გადაიხდის $25 მილიონს, რათა ტრამპთან მიმდინარე სასამართლო დავა მორიგებით დაასრულოს. დონალდ ტრამპმა Meta-ს მას შემდეგ უჩივლა, რაც მისი ანგარიშები Facebook-სა და Instagram-ზე 2021 წლის 6 იანვარს კაპიტოლიუმში მომხდარი ბუნტის შემდეგ დაიბლოკა.