Cambridge-ის ლექსიკონმა 2023 წლის სიტყვად "ჰალუცინაციების გამოწვევა" დაასახელა - ხელოვნური ინტელექტის ტექნოლოგიასთან დაკავშირებით, აღნიშნულ ტერმინს დამატებითი, ახალი მნიშვნელობა მიენიჭა. ტერმინის - "ჰალუცინაციების გამოწვევა" -ტრადიციული განმარტების მიხედვით, ადამიანი თითქოს გრძნობს რაღაცას, რაც არ სინამდვილეში არსებობს; როგორც წესი, ეს ხდება ჯანმრთელობის ცუდი მდგომარეობის ან ნარკოტიკების მიღების გამო, თუმცა ტერმინის ახალი განსაზღვრება ხელოვნურ ინტელექტს ეხება, რომელიც ცრუ ინფორმაციას აწარმოებს. 

Cambridge-ის ლექსიკონის დამატებით განსაზღვრებაში ნათქვამია: „მდგომარეობა, როდესაც ხელოვნური ინტელექტი (კომპიუტერული სისტემა, რომელსაც ადამიანის ტვინის ზოგიერთი თვისება აქვს, როგორიცაა ენის წარმოქმნის უნარი) ჰალუცინაციას ახდენს და ცრუ ინფორმაციას აწარმოებს." 

2023 წელს ინტერესი გაიზარდა ხელოვნური ინტელექტის ინსტრუმენტების მიმართ, როგორიცაა ChatGPT-ი.

 ხელმისაწვდომი ChatGPT-ი ბრიტანელმა მოსამართლემ სასამართლოს გადაწყვეტილების ნაწილის დასაწერად გამოიყენა, ხოლო ერთ-ერთმა მწერალმა რომანების დასაწერად დაიხმარა. თუმცა, ხელოვნური ინტელექტი ყოველთვის არ უზრუნველყოფს სანდო და ფაქტობრივად შემოწმებულ პროზას.

ხელოვნურ ინტელექტთან დაკავშირებული ჰალუცინაციები, რომლებიც ასევე ცნობილია როგორც კონფაბულაცია, მოიცავს წინადადებებისგან განსხვავებულ ცრუ ინფორმაციას, რომელიც სავსებით დამაჯერებლად გამოიყურება და, ამავდროულად, სრულიად უაზროა.

„ის ფაქტი, რომ ხელოვნურ ინტელექტს შეუძლია „ჰალუცინაციის გამოწვევა“ ნიშნავს, რომ ადამიანებს ჯერ კიდევ სჭირდებათ კრიტიკული აზროვნების უნარი ამ ინსტრუმენტების გამოყენებისთვის. ხელოვნური ინტელექტი ფანტასტიკურია იმაში, რომ ის კონკრეტული ინფორმაციის მოპოვებისა და კონსოლიდაციისთვის უზარმაზარი მოცულობის მონაცემებს აგროვებს, მაგრამ საწყისი ვერსიის მოწოდების შემთხვევაში, სავარაუდოდ, ის ცდება,“ - თქვა Cambridge-ის ლექსიკონის გამომცემლობის მენეჯერმა ვენდალინ ნიკოლსმა.