საპატრიარქო განცხადებას ავრცელებს

0
79

საქართველოს საპატრიარქო მედიაში გავრცელებულ ინფორმაციასთან დაკავშირებით, განცხადებას ავრცელებს და წერს, რომ სასულიერო პირებს სასაფლაოზე შესვლა დაუბრკოლებლად შეუძლიათ.

მათივე ინფორმაციით, “გაუგებრობა” კომუნიკაციის ნაკლებობამ გამოიწვია.

“დღეს მედიასაშუალებებით გავრცელდა ინფორმაცია, რომ კოვიდპანდემიასთან დაკავშირებული შეზღუდვებიდან გამომდინარე, პოლიციამ სასულიერო პირებს სასაფლაოებზე შესვლისა და საფლავების კურთხევის ნება არ მისცა.

როგორც ირკვევა, აღნიშნული გაუგებრობა კომუნიკაციის ნაკლებობით იყო გამოწვეული.

ამჟამად პრობლემა მოგვარებულია და სასულიერო პირებს დაუბრკოლებლად შეუძლიათ სასაფლაოებზე გასვლა, პანაშვიდის გადახდა და საფლავების კურთხევა”,-ნათქვამია საპატრიარქოს განცხადებაში.

ცნობისთვის, დღეს საქართველოს მართლმადიდებელი ეკლესია საფლავთა კურთხევას აღნიშნავს.