კახი კავსაძე საბურთალოს სასაფლაოზე მეუღლის გვერდით დაკრძალეს

0
194

მსახიობი კახი კავსაძე, საბურთალოს სასაფლაოზე, მეუღლის, ბელა მირიანაშვილის გვერდით დაკრძალეს. დაკრძალვას ესწრებოდა ყოფილი პრემიერ- მინისტრი, ბიძინა ივანიშვილი, ასევე კულტურის, სპორტის და ახალგაზრდობის მინისტრი თეა წულუკიანი.

სამოქალაქო პანაშვიდი რუსთაველის ეროვნულ თეატრში 3 დღე მიმდინარეობდა. სამოქალაქო პანაშვიდზე იმყოფებოდნენ საქართველოს პრეზიდენტი სალომე ზურაბიშვილი, პრიემიერ-მინისტრი ირაკლი ღარიბაშვილი და მინისტრთა კაბინეტის წევრები. მსახიობის პანაშვიდზე იმყოფებოდნენ ოპოზიციური პარტიების წევრებიც.

ქართული კინოსა და თეატრის მსახიობი კახი კავსაძე 85 წლის ასაკში გარდაიცვალა. კახი კავსაძეს 2020 წლის 28 ნოემბერს COVID-19 დაუდასტურდა. იგი თსსუ-ს პირველ საუნივერსიტეტო კლინიკაში სუნთქვის მწვავე უკმარისობით მკურნალობდა.