საგარეო საქმეთა მინისტრის პირველ მოადგილედ ლაშა დარსალია, ხოლო მოადგილედ თეიმურაზ ჯანჯალია დაინიშნენ

ივნისი 9, 14:41
0
57

საგარეო საქმეთა მინისტრის პირველ მოადგილედ ლაშა დარსალია, ხოლო საგარეო საქმეთა მინისტრის მოადგილედ თეიმურაზ ჯანჯალია დაინიშნენ. ინფორმაციას საქართველოს საგარეო უწყების პრესსამსახური ავრცელებს.

„ლაშა დარსალია საქართველოს საგარეო საქმეთა მინისტრის მოადგილის პოზიციას 2018 წლიდან იკავებდა, იგი ჟენევის საერთაშორისო მოლაპარაკებებში საქართველოს მთავარი მომლაპარაკებელია. დარსალია 2017–2018 იკავებდა შერიგებისა და სამოქალაქო ინტეგრაციის საკითხებში საქართველოს სახელმწიფო მინისტრის პირველი მოადგილის თანამდებობას. 2008-2016 წლებში მუშაობდა საქართველოს ეროვნული უშიშროების საბჭოს აპარატში სხვადასხვა პოზიციებზე: 2008 – 2009 ანალიზისა და კომუნიკაციების დეპარტამენტის მთავარ მრჩევლად; 2009–2016 უშიშროებისა და ანალიტიკის დეპარტამენტის დირექტორად; 2016-2017 საქართველოს დაზვერვის სამსახურის ანალიტიკური დირექტორატის ხელმძღვანელად;

2002 წლიდან 2006 წლამდე მუშაობდა ლონდონის საინფორმაციო ცენტრში კონფლიქტებისა და სახელმწიფო აღმშენებლობის შესახებ სხვადასხვა პოზიციებზე: 2002-2004 ანალიტიკოსად ეთნიკური უმცირესობების და კონფლიქტების განხრით; 2004 ორგანიზაციის წარმომადგენლად, პროექტების მენეჯერად აზერბაიჯანში; 2004 – 2005 ორგანიზაციის წარმომადგენლად, პროექტების მენეჯერად სომხეთში; 2005 – 2006 სამხრეთ კავკასიის პროექტების კოორდინატორად“, – აცხადებენ საგარეო უწყებაში.

თეიმურაზ ჯანჯალია დიპლომატიურ სამსახურში 1998 წლიდან სხვადასხვა პოზიციებზე საქმიანობს.

„2018 -2021 წწ. გახლდათ საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის დირექტორი; 2013-2018 წწ. – საქართველოს საგანგებო და სრულუფლებიანი ელჩი ლატვიის რესპუბლიკაში; 2012-2013 წწ. – საქართველოს საგარეო საქმეთა სამინისტროს საერთაშორისო ეკონომიკურ, კულტურულ და ჰუმანიტარულ ურთიერთობათა დეპარტამენტის დირექტორი; 2011-2012 წწ. გახლდათ საქართველოს საგარეო საქმეთა სამინისტროს ევროინტეგრაციის დეპარტამენტის დირექტორის მოადგილე; 2007-2008 წწ. – საქართველოს საქმეთა დროებითი რწმუნებული ლატვიის რესპუბლიკაში; 2004-2007 წწ. გახლდათ საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის, რეგიონალური ეკონომიკური თანამშრომლობის სამმართველოს უფროსი“, – აღნიშნულია საქართველოს საგარეო საქმეთა სამინისტროს მიერ გავრცელებულ ინფორმაციაში.