„მედიასთან ადამიანებს ჰქონდათ სერიოზული პრობლემები… ჩვენ თავიდან დავალაგეთ“ – ვარლამ გოლეთიანი

ივლისი 19, 21:02
0
61

ვარლამ გოლეთიანმა 5 ივლისს თბილისში მედიაზე განხორციელებული ძალადობრივი ქმედებები ფეისბუკ ლაივის დროს შეაფასა.

„როდესაც მედია ჩვენთან ხეობაში ჩამოდიოდა, აქ შეკრებილ ადამიანებს მათთან ჰქონდათ სერიოზული პრობლემები და ჩვენ მუდმივად ვცდილობდით, კონფლიქტის მოგვარებას. ადგილზე მნიშვნელოვანი იყო მედიასთან კონფლიქტისგან თავის არიდება. ჩვენ მუდმივად ვცდილობდით ამ სივრცის დალაგებას და ჩვენ ეს მოვახერხეთ“, – ამბობს გოლეთიანი.

მისივე განცხადებით, თბილისში 5 ივლისს ჟურნალისტებზე თავდასხმის შემდეგ, რიონის ხეობაშიც შეიქმნა საფრთხე და „რიონის ხეობის მცველებს“ თავიდან მოუწევთ მედიასთან ურთიერთობის დალაგება.