მაინცდამაინც ქაღალდზე დაწერილი და ბეჭედარტყმული უნდა იყოს? ატარეთ პირბადე – გამყრელიძე

აგვისტო 5, 15:21
0
109

„მაინცდამაინც ქაღალდზე დაწერილი და ბეჭეტდარტყმული უნდა იყოს ? გთხოვთ გაავრცელეთ ინფორმაცია, რომ დახურულ სივრცეში ყველამ ვატაროთ პირბადე“, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ ბრიფინგზე განაცხადა.

გამყრელიძის თქმით, იმ შემთხვევაში თუ 5-ზე მეტი ადამიანი იკრიბება ერთად, სასურველია, რომ ყველამ ატაროს პირბადე.

„ეპიდსიტუაცია გაუარესებულია. რისკები რა თქმა უნდა ძალიან მაღალია. აქედან გამოსავალი დღეს არის მხოლოდ ერთი – დავიცვათ ის რეკომენდაციები, რომლის შესახებაც ამდენი ხანია ვლაპარაკობთ. მაინცდამაინც ქაღალდზე დაწერილი და ბეჭეტდარტყმული უნდა იყოს ? გთხოვთ გაავრცელეთ ინფორმაცია, რომ დახურულ სივრცეში ყველამ ვატაროთ პირბადე. იქ სადაც ღია სივრცეში, 5 ადამიანი ვიკრიბებით ვატაროთ ყველამ პირბადე. კი ბატონო ნუ გექნებათ პირბადე, როცა ტყეში სეირნობთ, მაგრამ თუ 5, 7, 8 ადამიანი იკრიბებით გაიკეთეთ პირბადე“, – აღნიშნა გამყრელიძემ.

ჟურნალისტის კითხვაზე განიხილება თუ არა დაწესებულებებისთვის უსაფრთხო სტატუსის მინიჭების საკითხი, გამყრელიძე ამბობს, რომ აღნიშნულ საკითხზე წინადადება უკვე გაჟღერებულია.

„ჩვენ ეს წინადადება გავაჟღერეთ. ძალიან კარგი იქნება კოვიდისგან უსაფრთხო სივრცე, სადაც დასაქმებული ადამიანების 70-80% ორჯერადად იქნებიან აცრილი. დაავადებათა კონტროლის ეროვნული ცენტრი ამ წინადადებას კიდევ ერთხელ დააყენებს“, – დასძინა ამირან გამყრელიძემ.

Cesko