მსოფლიო ლიდერებმა დონალდ ტრამპს დასცინეს (ვიდეო)

0
219

ლონდონში მიმდინარე ნატო-ს სამიტზე მსოფლიო ლიდერები აშშ-ის პრეზიდენტზე, დონალდ ტრამპზე ჭორაობისა და ხუმრობის დროს დააფიქსირეს. ვიდეო, რომელიც უცნობმა პირმა Canadian Broadcasting Corporation-ს გადასცა,  გადაღებულია ბუკინგემის სასახლეში, სადაც დიდი ბრიტანეთის დედოფალი ელიზაბეტ მეორე წვეულებას მართავდა.

კადრში ჩანან კანადის პრემიერ-მინისტრი ჯასტინ ტრიუდო, საფრანგეთის პრეზიდენტი ემანუელ მაკრონი, დიდი ბრიტანეთის პრემიერ-მინისტრი ბორის ჯონსონი და ჰოლანდიის პრემიერ-მინისტრი მარკ რუტე. მათ მოგვიანებით პრინცესა ანა შეუერთდა. გაირკვა, რომ მათი საუბრის თემა აშშ-ის პრეზიდენტი დონალდ ტრამპი და მისი გამონათქვამები გახდა.

როგორც ვიდეოში ისმის, ბორის ჯონსონი ეკითხება  მაკრონს: „და ამის გამო დაგაგვიანდათ?“. საუბარში იჭრება კანადის პრემიერ-მინისტრი :„დააგვიანდა, რადგან 40-წუთიანი პრესკონფერენცია ჰქონდა“.დონალდ ტრამპის სახელი არ გაჟღერებულა, მაგრამ ტრიუდო სწორედ აშშ-ის პრეზიდენტზე საუბრობს, რადგან  მაკრონს ამერიკელ კოლეგასთან ჰქონდა ერთობლივი პრესკონფერენცია.

რას ლაპარაკობს მაკრონი, ვიდეოში არ ისმის.

საუბრისას ჰოლანდიის პრემიერ-მინისტრი ამბობს „ყალბი ამბების მედია“. ასეთი ტერმინით აშშ-ის პრეზიდენტი მის მიმართ კრიტიკულად განწყობილ მედიასაშუალებებს “ამკობს.”

მოგვიანებით კანადის პრემიერ-მინისტრი ამბობს: „ვნახე, მის გუნდს ყბა როგორ ჩამოუვარდათ იატაკზე“. სწორედ ამ დროს ოთხეულს პრინცესა ანა უერთდება, რომლის ლაპარაკი ვიდეოში არ ისმის.

LEAVE A REPLY

Please enter your comment!
Please enter your name here