მამუკა მდინარაძე: მაჟორიტარობის კანდიდატებს ივლისის ბოლომდე დავასახელებთ

0
50

საპარლამენტო უმრავლესობის ლიდერის, მამუკა მდინარაძის განცხადებით, „ქართული ოცნება“ არჩევნებისთვის, მაჟორიტარობის კანდიდატებს ივნისის ბოლომდე დაასახელებს.

„რა თქმა უნდა, არ დავუმალავთ საზოგადოებას, რომ უფრო მეტი კონსულტაცია გვქონდა მაჟორიტარებთან დაკავშირებით, რადგან მაჟორიტარულის კანდიდატების წარდგენას და საზოგადოებისთვის მათი ვინაობის გაცნობას უფრო ადრე ვაპირებთ, ვიდრე – სიის ფორმირებაზე იქნება საუბარი. მგონი, ოპოზიცია ცოტა ადეკვატური მარტო იმაშია, რომ ისინი ჯერ მაჟორიტარებზე საუბრობენ. ჩვენც ასე მოვიქცევით. მაჟორიტარობის კანდიდატებს უფრო ადრე დავასახელებთ, ვიდრე – სიაზე ვილაპარაკებთ. ეს, ალბათ, უახლოეს მომავალშიც შეიძლება იყოს. ყოველ შემთხვევაში, ივლისის ბოლომდე. კვირებით თუ დავთვლით, უფრო შორეული პერსპექტივაა სიის ფორმირება. ამაზე გვქონდა გარკვეული კონსულტაციები, მაგრამ, ჯერჯერობით, კონკრეტული – არაფერი. ჯერჯერობით, მაჟორიტარებთან დაკავშირებითაც არაა კონსულტაციები ბოლომდე მისული“ – განაცხადა მამუკა მდინარაძემ.

LEAVE A REPLY

Please enter your comment!
Please enter your name here