ბათუმში დაჭრილი პოლიციელის ჯანმრთელობის მდგომარეობა გაუმჯობესდა

0
183

ბათუმში დაჭრილი პატრულ-ინსპექტორის ჯანმრთელობის მდგომარეობა გაუმჯობესდა.

მას დღეს რეანიმაციული განყოფილებიდან პალატაში გადაიყვანენ.

„პაციენტის მდგომარეობაში აშკარად შეიმჩნევა დადებითი დინამიკა. იგი კონტაქტურია, დილიდან უკვე საუბრობს, დღის მეორე ნახევარში პალატაში გადავიყვანთ და რამდენიმე დღეში გაეწერება საავადმყოფოდან”, – განაცხადა ბათუმის რესპუბლიკური საავადმყოფოს დირექტორმა, ვახტანგ ხალვაშმა.

დაჭრილი პოლიციელი გუშინ კლინიკაში შინაგან საქმეთა მინისტრმა, ვახტანგ გომელაურმა მოინახულა.

18 დეკემბერს, ბათუმში, მოქალაქემ საპატრულო ეკიპაჟის წევრები ოთარ თავართქილაძე და ავთანდილ მჟავანაძე გააჩერა. მოულოდნელად აღნიშნულმა პირმა პატრულ-ინსპექტორ თავართქილაძეს ცივი იარაღით ჭრილობა მიაყენა.

დაჭრილი პოლიციელის მეწყვილემ თავდამსხმელი შემთხვევის ადგილზევე დააკავა. დაკავებისას, ბრალდებულმა მჟავანაძესაც მიაყენა ფეხის არეში მსუბუქი ჭრილობა.