კახა კალაძე: არასდროს დაბრუნდება „სავეცკაია გრუზია“, ჩვენ ამას არ დავუშვებთ

0
52

თბილისის მერი, პარტია „ქართული ოცნება-დემოკრატიული საქართველოს“ გენერალური მდივანი, კახა კალაძე „ნაციონალური მოძრაობის“ მიერ გამართულ აქციას გამოეხმაურა.

„დღეს ჩვენმა ოპონენტებმა გამართეს აქცია. ცხრაწლიანი სისხლიანი რეჟიმის ნოსტალგიის შემდეგ ასე თუ დამძიმდებოდნენ და საბჭოთა ნოსტალგია შეიპყრობდათ, ნამდვილად არ მეგონა. თუმცა, არჩევნების წინ საბოლოო ლუსტრაცია მოახდინეს. მე ერთი რამ შემიძლია გითხრათ, რომ საქართველოში ვერასდროს და არასდროს დაბრუნდება მოძალადე ხელისუფლება. ისე როგორც არასდროს დაბრუნდება „სავეცკაია გრუზია“. ჩვენ ამას არავითარ შემთხვევაში არ დავუშვებთ“, – განაცხადა კახა კალაძემ.

ცნობისთვის, თავისუფლების მოედანზე „ნაციონალური მოძრაობის“ მიერ დღეს გამართულ შემაჯამებელ აქციაზე პარტიის საარჩევნო სიის პირველმა ნომერმა, ბუბა კიკაბიძემ სიმღერა “თბილისო“ რუსულ ენაზე შეასრულა.