სამეგრელოში დიდი ოდენობით უაქციზო თამბაქოს გადაზიდვის ფაქტი გამოვლინდა

0
235

 

ფინანსთა სამინისტროს შემოსავლების სამსახურის ინფორმაციით, სამეგრელოში 46 600 ღერი უაქციზო თამბაქოს გადაზიდვის ფაქტი გამოვლინდა.

„18 დეკემბერს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს დასავლეთის განყოფილების თანამშრომლებმა, ზუგდიდის რაიონ სოფელ რუხში გატარებული ღონისძიებების შედეგად, უაქციზო სიგარეტის (ჯამში, 46,600 ღერი) გადაზიდვის ფაქტი გამოავლინეს.

საქართველოს საგადასახადო კოდექსის 192-ე მუხლის მე-5 ნაწილის შესაბამისად, სამართალდამრღვევ მოქალაქეებს ჩამოერთვათ საქონელი. საქართველოს საგადასახადო კოდექსის 271-ე მუხლის მე-7 ნაწილის შესაბამისად, საქმის მასალები, საქართველოს ფინანსთა სამინისტროს საგამოძიებო სამსახურს გადაეცა“ – აღნიშნულია ინფორმაციაში.