დიდუბე-ჩუღურეთის განყოფილებასთან მოძრაობა „გაბედესა“ და „სირცხვილიას“ წევრებმა აქცია გამართეს

0
195

დიდუბე-ჩუღურეთის განყოფილებასთან მოძრაობა „გაბედესა“ და „სირცხვილიას“ წევრებმა აქცია გამართეს.

სწორედ აღნიშნულ განყოფილებაში დაიკითხა 15 წლის მოზარდი, რომელიც დღეს იაშვილის კლინიკაში გარდაიცვალა.

აქციის მონაწილეთა განცხადებით, სისტემა კლავს და ერთი გამომძიებლის დაკავება არ არის საკმარისი.

„გაბედეს“ წევრები ასევე ითხოვონ იმ მუხლის გადაკვალიფიცირებას, რომლითაც საქმის ძიება დაიწყო.

მათი თქმით, საქმის ძიება უნდა მიმდინარეობდეს თვითმკვლელობამდე მიყვანის მუხლით და არა ჩვენების იძულებით მიღების მუხლით. გაბედეს წევრები ასევე ითხოვენ, „მწვანე სკოლის“ დირექტორის დასჯასაც.

ადგილზე „გაბედეს“ წევრებს მოძრაობა „სირცხვილიას“ წევრებიც შეუერთდნენ. მათ პოლიციის შენობის წინ წარწერა „ამ ცხოვრების დედაც“ გააკეთეს, რასაც შელაპარაკება მოჰყვა აქციის წევრებსა და პოლიციას შორის.

ამავე შინაარსის წარწერა გააკრეს პოლიციის შენობაზე მოძრაობა „გაბედეს“ წევრებმა.

თვითმკვლელობის მცდელობისას დაშავებული 15 წლის მოზარდი დღეს საავადმყოფოში გარდაიცვალა.