სებასტიან მოლინეუსი – საქართველოს მთავრობამ ძალიან კარგად უპასუხა კორონა ვირუსის გამოწვევებს, გაატარა რა საერთაშორისოდ აღიარებული ყველა ღონისძიება

0
25

მოკლევადიან პერიოდში აუცილებელია მხარი დავუჭიროთ სახელმწიფოს მხრიდან კოვიდ-პანდემიის საწინააღმდეგო ღონისძიებებს და ვაჩვენოთ, რომ საქართველო უსაფრთხო დანიშნულების ადგილია,- ამის შესახებ გსამხრეთ კავკასიაში მსოფლიო ბანკის რეგიონულმა დირექტორმა სებასტიან მოლინეუსმა განაცხადა. მოლინეუსი რ თბილისში მიმდინარე გაეროს მსოფლიო ტურიზმის ორგანიზაციის აღმასრულებელი საბჭოს 112-ე სხდომის ფარგლებში მიმდინარე ინვესტიციების თემისადმი მიძღვნილ ფორუმში მონაწილეობს.
მისი თქმით, საქართველოს მთავრობამ ძლიან კარგად უპასუხა კორონა ვირუსის გამოწვევებს, გაატარა რა საერთაშორისოდ აღიარებული ყველა ღონისძიება.
,,პირველ რიგში, საქართველოს მთავრობამ ყველაფერი გააკეთა მოქალაქეების ჯანმრთელობის დასაცავად. მეორე – მნიშვნელოვანი ნაბიჯები გადაიდგა სოციალური დაცვისა და სოციალური ზეგავლენის თვალსაზრისით; მესამე – ეს არის ეკონომიკის აღდგენისკენ მიმართული ღონისძიებები ეკონომიკის ისეთი სფეროებში, როგორებიცაა ტურიზმი, სოფლის მეურნეობა და სხვა მნიშვნელოვანი სექტორი.ამიტომ, ზოგადად, ძალიან დადებითად შემიძლია შევაფასო მთავრობის მეირ განხორციელებული ღონისძიებები“, – აღნიშნა სამხრეთ კავკასიაში მსოფლიო ბანკის რეგიონული დირექტორმა. როგორც მოლინეუსმა აღნიშნა, როდესაც ტურიზმი ქვეყნის მთლიანი შიდა პროდუქტის 26%-ს შეადგენს, ის, რა თქმა უნდა, ქვეყნის ეკონომიკური ზრდის მთავარი სექტორია, რომელსაც დღეს მხარდაჭერა სჭირდება.
„ჩვენ ვიცით, რომ ტურიზმის წლიური მაჩვენებელი 16-18%-ით შემცირდა, რამაც მნიშვნელოვანი ზეგავლენა იქონია საქართველოს ტურიზმზე. დღეს ჩვენ განვიხილავთ საპასუხო ღონისძიებებს ამ უარყოფითი ზეგავლენის შესამცირებლად. პირველი: მოკლევადიან პერიოდში აუცილებელია მხარი დავუჭიროთ სახელმწიფოს მხრიდან კოვიდ-პანდემიის საწინააღმდეგო ღონისძიებებს და ვაჩვენოთ, რომ ქვეყანა უსაფრთხო დანიშნულების ადგილია ამ თვალსაზრისით. მეორე – საშუალოვადიან პერიოდში აუცილებელია განვავითაროთ ციფრული ტექნოლოგიები, რათა საქართველოში ჩამოსულ ტურისტს შეეძლოს ისარგებლოს უკონტაქტო ტექნოლოგიებით, მათ შორის, ე.წ. „კარიდან-კარამდე“ ტრანსპორტირებისას, როდესაც მინიმუმამდე იქნება დაყვანილი უშუალო კონტაქტები. რა თქმა უნდა, ეს მოითხოვს ტურიზმის სექტორის მხრიდან ინვესტირებას ციფრულ ტექნოლოგიებში“, – აღნიშნა სამხრეთ კავკასიაში მსოფლიო ბანკის რეგიონული დირექტორმა.
მოლინეუცი მიიჩნევს, რომ უაღრესად მნიშვნელოვანია, რგრძელვადიან პერიოდში გაგრძელდეს საქართველოში ინფრასტრუქტურული პროექტების ინვესტირება. მისი თქმით, მსოფლიო ბანკი, სხვა დეველოპერ პარტნიორებთან ერთად, ამ სამივე კომპონენტში – მოკლე, საშუალო და გრძელვადიან პერიოდში, მხარს დაუჭერს საქართველოს ტურიზმის სექტორის გასაძლიერებლად აუცილებელი ღონისძიებების გატარების პროცესში.