აშშ-ში სკოლის შენობის ქვეშ 145 ადამიანის ცხედარი იპოვეს

0
227

ამერიკის შეერთებულ შტატებში სამართალდამცველებმა სკოლის შენობის ქვეშ 145 ადამიანის ცხედარს მიაგნეს. ამის შესახებ „ბიბისი“ იუწყება.

დიდი ბრიტანეთის საზოგადოებრივი მაუწყებლის ცნობით, აღნიშნული ტერიტორია მეოცე საუკუნის შუა პერიოდში სასაფლაო იყო.

როგორც „ბიბისი“ იუწყება, ადამიანების ცხედრებს სპეციალური მოწყობილობის საშუალებით მას შემდეგ მიაგნეს, რაც ტერიტორიაზე სასაფლაოს არსებობის შესახებ გავრცელდა ცნობა.

ქალაქის ისტორიული წყაროების მიხედვით, მეოცე საუკუნის შუა პერიოდში აღნიშნულ სასაფლაოზე 250-ზე მეტი ადამიანი დამარხეს. მათი დიდი ნაწილი აფროამერიკელები იყვნენ. აღნიშნული ტერიტორია ადგილობრივმა ხელისუფლამ 1942 წელს კერძო კომპანიას მიჰყიდა. სკოლა კი იქ 1960 წელს აშენდა.

სამარხის აღმოჩენის შემდეგ სკოლის ხელმძღვანელობამ ახალი შენობის დაცარიელება გადაწყვიტა. მათი თქმით, ამ ხერხით ისინი გარდაცვლილებს პატივს მიაგებენ.