თბილისში გადაადგილებაზე დაწესებული შეზღუდვები მოიხსნა

0
178

მთავრობის გადაწყვეტილებით, თბილისში გადაადგილებაზე დაწესებული ყველა სახის შეზღუდვა, დღეიდან მოხსნილია. დედაქალაქში შესვლა და გასვლა ყველა სახის ტრანსპორტს თავისუფლად შეუძლია, თუმცა კვლავ მკაცრად გაკონტროლდება, რომ მსუბუქ ავტომობილში, სამ პირზე მეტი არ მოთავსდეს.

ამასთან, თბილისის შემოსასვლელებში მგზავრებს პირველადი თერმოსკრინინგი ჩაუტარდებათ. საველე ჰოსპიტალში მობილიზებული იქნებიან ექიმებიც. პუნქტებზე მოხდება ტრანსპორტის დეზინფექცია.

კვლავ ძალაში რჩება კომენდანტის საათი, რომელიც საღამოს 9 საათიდან დილის 6 საათამდე ყოველგვარ გადაადგილებას კრძალავს. ამას გარდა, ზუსტად სამ დღეში, 14 მაისიდან აღდგება გადაადგილება რუსთავსა და გარდაბანში, 18 მაისს კი, მოიხსნება შეზღუდვა მარნეულში.