გიორგი გახარია: ქალაქების გახსნა არ ნიშნავს, რომ ქვეყანაში საკომენდანტო საათი გაუქმდება

0
199

ქალაქების გახსნა არ ნიშნავს იმას, რომ მთელი ქვეყნის მასშტაბით საკომენდანტო საათი იქნება გაუქმებული, – ამის შესახებ პრემიერ-მინისტრმა, გიორგი გახარიამ ტურიზმის ამოქმედების აღდგენის ანტიკრიზისული გეგმის წარდგენისას განაცხადა.

მისი განმარტებით, შეზღუდვების ნაწილობრივ მოხსნის შემდეგაც, ჩვეულ რეჟიმში, საღამოს 9-დან დილის 6 საათამდე იმოქმედებს კომენდანტის საათი.

დღეს ცნობილი გახდა, რომ 11 მაისიდან თბილისში მიმოსვლა აღდგება, 14 მაისიდან სრულად გაიხსნება მიმოსვლა რუსთავსა და გარდაბანში, 18 მაისიდან კი – მარნეულში გადაადგილება იქნება შესაძლებელი.

საქართველოს ტერიტორიაზე მყოფი ყველა პირი ვალდებულია, დაიცვას საგანგებო რეჟიმი და დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.