პროპორციული საარჩევნო სისტემა არის წინ გადადგმული ნაბიჯი და ქვეყანას ეს სისტემა 2024 წელს ექნება – გიორგი გახარია

0
424

პროპორციულ სისტემაზე გადასვლა ეს იყო გადაწყვეტილება, რომელსაც სჭირდებოდა პროცედურები, რომლებიც სამწუხაროდ ამ საკანონდებლო ცვლილებამ ვერ გაიარა, – ამის შესახებ საქართველოს პრემიერ-მინისტრმა გიორგი გახარიამ განაცხადა.

როგორც გახარიამ აღნიშნა, ეს ინიციატივა დევს კონსტიტუციაში და 2024 წელს განხორციელდება.

„პროპორციულ სისტემაზე გადასვლა იყო გადაწყვეტილება, რომელსაც სჭირდებოდა პროცედურები. სამწუხაროდ, ამ საკანონდებლო ცვლილებამ პროცედურები ვერ გაიარა. საბედნიეროდ, ეს ინიციატივა ჩვენ გვიდევს კონსტიტუციაში და 2024 წელს განხორციელდება. პროპორციული საარჩევნო სისტემა არის წინ გადადგმული ნაბიჯი, ჩვენი დემოკრატიზაციის თვალსაზრისით, პროპორციული საარჩევნო სისტემა ხარისხობრივად ცვლის პოლიტიკურ კულტურას ქვეყანაში, ეს არის გადაწყვეტილება, რომელიც ჩვენ მივიღეთ, ეს არის გადაწყვეტილება, რომელიც ჩვენ გვინდოდა განხორციელებულიყო, თუმცა ხაზგასმით მინდა აღვნიშნო, რომ ჩვენ ამ დანაპირებს შევასრულებთ და ეს კონსტიტუციაში გვიდევს. არ დაგვავიწყდეს, რომ საუბარი იყო 2020 წელზე, თუმცა ისიც უნდა გვახსოვდეს, რომ ქვეყანას პროპორციული სისტემა ექნება 2024 წელს“, – განაცხადა გიორგი გახარიამ.